Plantun de Prouvènço

Pèr coumpara dos planto d'encò nostre

Utricularia australis & Myosotis corsicana subsp. pyrenaeorum

Utricularia australis

Lentibulariaceae

Noms en français : Utriculaire citrine, Utriculaire du Midi.

Descripcioun :
Aquesto erbo-di-canard, planto que trachis dins l'aigo, emai siegue pulèu raro, èi la mai coumuno qu'isto au nostre. Porto d'utriculo (fotò) que podon aganta de bèsti microuscoupico (planto carnivoro). Li flour dounon d'èr i meisseto. La meno autralis se recounèis à sa larjo labro de davans e à si bratèio courto.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 50 à 200 cm
Fueio : alterno
Tipe bioulougico : Idroufite
Cicle bioulougico : Planto renadivo

Gènre : Utricularia
Famiho : Lentibulariaceae

Coulour de la flour : Jauno
Petalo : ireguliero
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Aigo
Estànci : Mesoumediterran à Coulinen
Couroulougi : Pancaro entresigna
Ref. sc. : Utricularia australis R.Br., 1810

Te-vese-e-t'ame(-di-Pirenèu)

Myosotis corsicana subsp. pyrenaeorum

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Nom en français : Myosotis des Pyrénéens.

Descripcioun :
Aurés pas besoun d'ana dins li Pirenèu pèr lou rescountra, qu'aquesto meno trachis dins Ventour. Sèmblo bèn mai proche di te-vese-e-t'ame d'aquésti mountagno, e de Corso, que li dis Aup. Sabès que tout acò èro estaca avans la derivo Corso-Sardo i'a peraqui 35 MA. Se destrìo de sa cousino dis Aup que i'a ges de péu dessouto li fueio, s'atrovo pamens de péu croucu sus li costo di sepalo (fotò) e proun de péu sus si bord.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").

Port : Erbo
Taio : 5 à 25 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Myosotis
Famiho : Boraginaceae

Coulour de la flour : Bluio
Petalo : 5
Ø (o loungour) flour : 6 à 9 mm
Flourido : Estiéu

Sòu : Ca
Autour basso e auto : 1500 à 2700 m
Aparado : Noun
Juliet à avoust

Liò : Pelouso - Coumbo à nèu
Estànci : Mountagnard à Aupen
Couroulougi : Ouroufito-Sud-Éuroupo
Ref. sc. : Myosotis corsicana subsp. pyrenaeorum Blaise & Kerguélen, 1992 (= Myosotis alpestris subsp. pyrenaearum (Blaise & Kerguélen) J.M.Tison )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Utricularia australis & Myosotis corsicana subsp. pyrenaeorum

ges

Coumpara Erbo-di-canard(-dóu-miejour) emé uno autro planto

Coumpara Te-vese-e-t'ame(-di-Pirenèu) emé uno autro planto